​

終於整到我哋都滿意，萬眾期待嘅Scone出爐啦!

七週年慶祝活動第一彈，承邀大家參與齊柏林第一次團購！

P&D BAKERY自家製造Scone

傳統英式鬆餅

採用傳統酒店配方，內層鬆軟微濕，陣陣牛油香氣撲鼻，最適合配上CLOTTED CREAM同果醬一起品嚐。

提子鬆餅

選用珍寶提子乾，提子經冧酒處理，每啖都會傳出陣陣酒香，香甜醉人。

朱古力鬆餅

特選比利是75%朱古力，口惑細膩，微甜中帶少少澀。

英國rodda’s clotted cream

果醬

​

解禁啦!!!!!普天同慶!!!!! 
小編開心仔講個秘密你知,其實新menu裡面暗藏Secret menu㗎! 
一向錫住大家㗎嘛! 新menu個post裡面大家要求嘅1+1,其實係Secret menu裡面㗎,可以試下照同店員order㗎! 
另外鬼鼠話大家知, Secret menu仲有供應呢兩款產品殊,秘密嚟㗎
腸仔杯 $32
烤菠蘿 $8
嚟緊會有更多產品出現係Secret menu,敬請期待
有返晚市咁開心, 實行嚟試試真唔真小編建議買完睇住youtube慢慢享受,話晒唔係個個都用到㗎嘛

話說夏天降臨熱到抽筋,返工個人七分煩燥,三分想射波!個客扭計,腦細又曳曳,Kick住啖氣? 
整啖新汽水Gur 返順條氣先啦!有汽涼茶你又試過未?
夏天首選凍飲-銀菊露味汽水
有汽涼茶
香港製造
低糖系列
平肝明目 / 消暑解毒
售價: $18 / 1罐
(+$8可將跟餐飲品升級為菊9汽)
由5月1號起分店陸續有售
*此產品只限門市發售
沙灘曬太陽解暑
燒野食怕熱氣
露營一齊chill
少少甜,多多汽.
呢個夏天一齊gur gur佢!

​

全新登場! 快閃期間限定!

黑松露醬大薯條

CHOK CHOK新味研發中

等待期間,不如試試新醬先?

幼滑嘅Cream包裹住粒粒意大利黑松露,淡淡麝香混合果香嘅獨特香氣配上啖啖香脆可口嘅薯條. 我哋嘅黑松露醬係加入15%高濃度黑松露而製成,點都值得嚟試一試啦!

黑松露醬大薯條售價: $30 / 1份

芥末蛋黃醬大薯條售價: $25 / 1份

4月17日起全線門市有售.(中大分店除外)

*此產品只限門市發售.

*數量有限,售完即止.

芝士薯條系列其實仲有賣㗎,不過係晒Secret menu 
芝士大薯條!!$27
芝士煙肉薯條!!$30
芝士辣肉醬薯條!!$30
放心直接同店員order啦!

最重要係我哋係用真‧芝士成塊切碎,唔係流流下嘅芝士醬.
所以凍左會凝固係正常㗎!
最後最後最後
記得記得記得
要趁熱食

​

​

今年多新搞作，轉左新包裝當然唔夠喉啦!要轉就轉晒!全新Menu面世!

全線分店都可以見到新Menu啦!

我哋其實都一段時間無加過價, 食材來貨持續上漲及運輸成本飆升，大大增加產品成本，我哋都盡量頂住唔加價。

現因應疫情影響導致運輸上漲及面對各種壓力因素。由即日起部份產品售價將會有少許調整，還望大家見諒.‍

齊柏林感謝大家一直嘅支持與愛護!

前排推出抗疫熱狗包,知道大家上次未必買到.

腦細決定全線推出熱狗包,實行間間有包賣,人人有包食.

P&D首款產品-熱狗包

選用日清麵粉

採用純天然紐西蘭牛油

以日式湯種方式製作

不含防腐劑

保質期 : 室溫3天/雪櫃保鮮格7天

售價: $8 / 1隻

即日起全線門市有售.

數量有限,售完即止.

​

大家未必知,我哋其實一直都好重視大家嘅意見.所以小編會暗中收集大家嘅留言,再定期回報比腦細開檢討大會。

但腦細覺得we can do more ,所以決定正正式式設立個意見專線!

希望大家有任何意見/投訴/建議,都可以 Scan下面個 QR code,話比我哋知仲有邊方面未夠好。

小編拍心口保證我哋會認真對待你哋每一個人嘅意見!有任何野想講比我哋知嘅，絕對歡迎大家! ( 讚我哋都得㗎 )

齊柏林再次衷心感謝大家多年來嘅支持同包容!

​

靚狗都要配個靚包裝嘅。

全線分店都轉用新包裝啦！

我哋嘅新盒靚唔靚仔？比個心

我哋希望除左食物質素要盡力做到最好外，送到你手上嘅食物亦唔會因爲包裝而影響到食物口感。

新系列嘅物料好硬淨唔怕壓扁狗狗，身形又改良咗，希望你哋食得開心！

對新包裝有咩意見，都歡迎留言話我地知！

我哋會不定期推出期間限定新包裝，記得留意我哋啦。

搶唔到薯仔唔洗騰，食住薯餅先。

薯餅大量空降，大把餅餅賣!

疫情與你同行優惠，薯餅$10/2塊

大家撐住

薯餅十蚊有兩塊!!

薯餅十蚊有兩塊!!

薯餅十蚊有兩塊!!

3月7至3月11日期間，全線都有優惠。

疫情嚴峻，齊柏林與你同行，大家撐住。

疫情嚴峻，齊柏林與你同行，大家撐住。

自己香港自己幫，無包賣唔洗恐慌，我哋賣比你

自家製熱狗包抗疫成本價$5/個

希望成本價可以幫到更多疫情下有需要嘅香港人一齊共度難關。

介紹返個熱狗包

齊柏林自家香港工場P&D BAKERY製造

( Passion & Dreams )

選用日清麵粉,採用純天然紐西蘭牛油,以日式湯種方式製作,不含防腐劑.

保質期 : 室溫3天/雪櫃保鮮格7天

3月7至3月8日期間，全線有售。

數量有限，略盡綿力。

如需大量訂購麵包，請PM與小編聯絡，有需要就搵我哋。齊柏林與你一直同行，大家加油。

​

<<燒賣杯>>

❤️‍🔥$18有6件❤️‍🔥

港式街頭情懷X德式新滋味．香菇豬肉炸燒賣．

炸到外皮卜卜脆，內裡煙煙韌韌,淋上酸甜咖哩茄汁開胃惹味,再撒上秘製辣椒粉.

滿足你想瘋狂啪啪啪燒賣嘅幻想!

唔食辣嘅朋友,可以走辣㗎.

一萬蚊可以買幾多粒燒賣呢?

燒賣杯由3月1號開始各分店有售.

腦細聖旨曰: 「見大家咁情迷燒賣熱狗!決定追加再追加!加推至三月,陪大家渡過艱難嘅三月!」

*售完即止